Xərclərə nəzarət üzrə mühasib (Retail)

Rahat Supermarketlər şəbəkəsi Xərclərə nəzarət üzrə mühasib (Retail) vəzifəsi üzrə vakansiya elan edir.

Əsas vəzifə öhdəlikləri

• Ay bağlanışı prosesində iştirak etmək, gəlir və xərclərin düzgün hesabat dövrünə aid edilməsini yoxlamaq;

• Mağazalar və xərc mərkəzləri üzrə xərclərin düzgün uçotunun aparılmasına nəzarət etmək;

• Mal alışları, daşınma və digər əlaqəli xərclərin məhsulların maya dəyərinə düzgün daxil edilməsini yoxlamaq;

• Satışların maya dəyərini, ümumi mənfəəti və marjanı mağazalar və məhsul kateqoriyaları üzrə təhlil etmək;

• Endirim, kampaniya və qaytarmaların maliyyə nəticələrinə təsirini qiymətləndirmək;

• Mal qalıqları, silinmələr, itkilər və inventarizasiya fərqlərini təhlil etmək, aşkar edilmiş uyğunsuzluqların səbəblərini araşdırmaq;

• Təchizatçı bonusları və alış endirimlərinin düzgün uçota alınmasını yoxlamaq;

• İcarə, kommunal, logistika və digər əməliyyat xərclərini büdcə göstəriciləri ilə müqayisə etmək və kənarlaşmaları təhlil etmək;

• Mühasibat hesabları üzrə üzləşdirmələr aparmaq və aylıq idarəetmə hesabatlarının hazırlanmasında iştirak etmək;

• Xərclərin optimallaşdırılması imkanlarını müəyyənləşdirmək və müvafiq təkliflər hazırlamaq;

• Büdcələmə, inventarizasiya və daxili nəzarət proseslərinin təkmilləşdirilməsində iştirak etmək.

Namizədə dair tələblər

• Mühasibat uçotu, maliyyə və ya iqtisadiyyat üzrə ali təhsil;

• Mühasibat uçotu və ya xərclərə nəzarət sahəsində minimum 2 il iş təcrübəsi;

• Pərakəndə satış sektorunda iş təcrübəsinə üstünlük verilir;

• Ay bağlanışı, mal-material uçotu və maya dəyərinin hesablanması üzrə praktiki biliklər;

• MS Excel proqramında yaxşı işləmək bacarığı;

• Mikro və ya digər ERP sistemləri ilə iş təcrübəsi;

• Analitik düşüncə, detallara diqqət və rəqəmlərlə işləmək bacarığı;

• Hesabatların vaxtında və dəqiq hazırlanmasını təmin etmək bacarığı.

Əlavə üstünlüklər

• ACCA F2 (Management Accounting), F3 (Financial Accounting) və F7 (Financial Reporting) imtahanlarını uğurla vermiş namizədlərə üstünlük verilir;

• Pərakəndə satış şəbəkələrində maya dəyəri, marja və əməliyyat xərclərinin təhlili üzrə təcrübə;

• İdarəetmə hesabatlarının hazırlanması və daxili nəzarət proseslərində iştirak təcrübəsi.

İş şərtləri

• İş yeri: Rahat Supermarketlər şəbəkəsi

• İş qrafiki: 5 günlük iş həftəsi

• Əmək haqqı: Namizədin bilik və bacarıqları, iş təcrübəsi və vəzifəyə uyğunluğu nəzərə alınmaqla, müsahibə əsasında müəyyən ediləcək.

Tələblərə uyğun namizədlər CV-lərini mövzu hissəsində “Cost Controller / Xərclərə nəzarət üzrə mühasib” (Retail) qeyd etməklə [email protected] elektron poçt ünvanına göndərə bilərlər.